Atyraýda Jaıyq ózenine jasóspirim batyp ketti

«Qaza bolǵannyń jasy 14-te. Ol  qaraýsyz qalǵan kemelerdiń janynda dostarymen shomylyp júrip, batyp ketken», - dep habarlady Atyraý oblystyq TJD-nyń baspasóz qyzmeti.

Departamenttiń málimdeýinshe, Atyraý oblysynda jyl basynan beri 26 adam sýǵa ketken. Bul ótken jylmen salystyrǵanda, eki esege kóp.

Sýǵa ketken 26 adamnyń 8-i kámelettik jasqa tolmaǵandar, olar eresekterdiń qaraýynsyz shomylǵan.
9-y mas kúıinde sýǵa túsken. Adam shomylatyn sýdyń qaýipti ýchaskelerine 46 eskertý, tyıym belgileri qoıylǵan.
Qala jaǵajaılarynda shekara belgilenip, eskertý belgileri, aqparattyq stendter ornatylǵan. Balalarǵa arnalǵan arnaıy ýchaske bar. Medıtsınalyq kómek pýnktteri, qutqarý posttary jumys isteıdi.