Atyraýda Jaıyq ózenine qulap ketken balany ákesi qutqardy
ATYRAÝ. QazAqparat – Atyraýda Jaıyq ózenine qulaǵan balany ákesi qutqaryp qaldy, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, Atyraýda jazǵy shomylý maýsymy bastalǵan joq. Soǵan qaramastan, ózen-kólderge shomylý deregi azaıar emes.
«Saqtyq sharalaryna salǵyrt qaraǵan atyraýlyq turǵyn 28 mamyrda keshki saǵat 20:03 shamasynda balalarymen Jaıyq ózeniniń jaǵasyna demalýǵa barǵan. Kenet 6-7 jastaǵy eki balanyń biri abaısyzda ózenge qulap ketken. Ony kórgen ákesi ózenge sekirip, balasyn alyp shyqqan. Muny beınebaqylaý kamerasynan baıqaǵan qyzmetkerler jaqyn mańdaǵy polıtseılerge baǵyttama bergen», -dep habarlady departamenttiń baspasóz qyzmeti.
Jaǵalaýǵa jetken polıtsııa qyzmetkerleri tekserý kezinde kámelet jasqa tolmaǵan eki balanyń ata-anasymen ruqsat etilmegen jerde shomylǵany úshin profılaktıkalyq túsindirý jumysyn júrgizip, eskertý jasaǵan.
Eske sala ketelik, budan buryn Atyraýda Jaıyqqa qulaǵan 8 jasar bala qutqarylǵan bolatyn.
