Atyraýda Jaıyq ózenine 2,8 mln bekire shabaǵy jiberildi

ATYRAÝ. QazAqparat –Búgin Atyraýda Jaıyq ózenine 2,8 mln bekire shabaǵy jiberildi, dep habarlaıdy QazAqparat.

«Jaıyq-Atyraý» bekire shabaǵyn ósirý zaýytynyń dırektry Ǵılman Sársemálıevtiń málim etýinshe, 12 toǵanda ósirilgen bekire tuqymdas balyqtardyń shabaǵyn sý aıdynyna jiberý bir aı buryn bastalǵan.

«Sol kezde bekire, qortpa, súıriktiń 1 mln 240 myńnan astam shabaǵy jibergen edik. Bul jumys 8,9 jáne 10 shilde de jalǵasyp, Jaıyq ózenine shoqyrdyń 2,8 mln shabaǵy jiberildi. Shabaqtardyń salmaǵy 1,5 gramnan 3-3,5 gramdy qurady» -dedi Ǵılman Sársemálıev.

Onyń aıtýynsha, bıyl atalǵan zaýyt pen «Amangeldi» óndiristik kooperatıviniń balyqshylary bekire tuqymdas balyqtyń 157 danasy aýlanǵan. Zaýyt mamandary balyqtardan qara ýyldyryqty jasandy jolmen alǵan. Sodan keıin bekire tuqymdas balyqtar Kaspıı teńizine qaıta jiberilgen.