Atyraýda Jaıyq ózenindegi balyqtyń qyrylýy men saldary talqylandy
«Atyraý oblysynyń balyq sharýashylyǵy basqarmasy» MK buıryǵymen «Antropogendik faktorlardyń balyq resýrstaryna teris áserin tómendetý boıynsha usynystar ázirleý maqsatynda azyq-túlik ortasynyń jaı-kúıin jáne Jaıyq ózeniniń ıhtıofaýnaǵa áserin baǵalaý úshin keshendi zertteýler júrgizý» jobasy boıynsha ǵylymı-zertteý jumystary júrgizildi. «Naýryz aıynda oblys ákimdigi jerilikti bıýdjetten Jaıyq ózenin zertteý jumystaryna qarjy bólgen bolatyn. Osyǵan oraı, balyq sharýashylyǵy basqarmasy naýryz aıynda memlekettik satyp alý zańyna sáıkes konkýrs uıymdastyryp, qorytyndysy boıynsha »Balyq sharýashylyǵy ǵylymı-óndiristik ortalyǵy« JShS jeńimpaz bolyp tanyldy. Balyqtardan saraptama alynyp, zerthanalarǵa jiberilip, zertteý júrgizildi.Jaıyq ózenine baılanysty qazir qylmystyq is qozǵalyp, tergeý amaldary júrgizilýde», - deıdi Atyraý oblysynyń balyq sharýashylyǵy basqarmasynyń basshysy Artýr Sádibekuly. Zertteýdi «Balyq sharýashylyǵy ǵylymı-óndiristik ortalyǵy» JShS, «Fızıka-bıologııa jáne bıotehnologııa máseleleri ǵylymı-zertteý ınstıtýty» RMK, ál-Farabı atyndaǵy Qazaq ulttyq ýnıversıteti janyndaǵy RMK, QR BǴM, «Mıkrobıologııa jáne vırýsologııa ǵylymı-óndiristik ortalyǵy» JShS júrgizdi. «Qazaq ǵylymı-zertteý veterınarlyq ınstıtýty» 2019 jyldyń shildesinen bastap qazirgi ýaqytqa deıin Jaıyq ózenin zerttedi. «Bul zertteýler jartylaı. Sondyqtan zertteý jumystaryn 2-3 jylǵa deıin turaqty túrde júrgizý úshin usynys bildirdik. Sonda ǵana biz Jaıyq ózeniniń qandaı jaǵdaıda, balyq jaǵdaıyn ıhtıofaýnasynyń naqty qandaı kúıde ekendigin anyqtaı alamyz. Qazirgi jaǵdaıda balyqtyń jaǵdaıy ózgerissiz. Balyqtyń túrleri sol kúıinde saqtalǵan. Qazir Jaıyq ózeninde jaǵdaı qalypqa tústi. Balyqtyń júrisi de jaman emes. Kúni búginge deıin Jaıyq, Qıǵash ózenderinen 435 tonna qara balyq aýlandy. Bul byltyrmen eseptegende jaqsy kórsetkish dep esepteımiz»,- deıdi balyq zertteý – óndiristik ortalyǵy JShS Atyraý oblysy boıynsha fılıalynyń zerthana meńgerýshisi Tynyshtyq Kabıeva. Aıta keteıik, túpkilikti tujyrymdar men tıisti ǵylymı usynystar kelisimsharttaryna sáıkes, 2019 jyldyń 15 jeltoqsanyna deıin daıyn bolady.
