Atyraýda Jaıyq ózenin tekserý úshin arnaıy komıssııa quryldy
ATYRAÝ. QazAqparat - Arnaıy qurylǵan komıssııa Jaıyq ózenine zertteý júrgizýde, dep xabarlaıdy QazAqparat Óńirlik kommýnıkatsııalar qyzmetine silteme jasap.
Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasymen vedomstvoaralyq komıssııa quryldy. Komıssııa quramyna Atyraý oblystyq balyq sharýashylyǵy basqarmasy, mamandandyrylǵan tabıǵat qorǵaý prokýratýrasy, ekologııa departamenti, Qazaq balyq sharýashylyǵy ǵylymı zertteý ınstıtýty, veterenarııalyq baqylaý jáne qadaǵalaý aýmaqtyq ınspektsııasy, tótenshe jaǵdaılar departamenti men Atyraý qalalyq qoǵamdyq densaýlyq saqtaý basqarmasynyń mamandary endi»,- deıdi Atyraý oblysynyń balyq sharýashylyǵy basqarmasynyń basshysy Artýr Sádibekuly.
Aıta ketelik, zertteý barysynda xımııalyq zertteý sý synamalary jáne ózennen ólgen balyqtar men tiri balyqtardyń synamalary alyndy. Alynǵan synamalar QR AShM "Respýblıkalyq veterınarııa zerthanasy" RMK Atyraý oblystyq fılıalyna jáne Atyraý qalalyq qoǵamdyq Densaýlyq saqtaý basqarmasyna jiberildi.
