Atyraýda Jaıyq ózenin balyq ólekselerinen tazartyp jatyr
ATYRAÝ. QazAqparat - Muzy erı bastaǵan soń Jaıyq ózenin qyrylǵan balyqtardan tazartaý jumystary kúsheıe tústi. Osy iske kún saıyn ondaǵan adam jumyldyrylady, dep habarlaıdy QazAqparat tilshisi.
Eske sala keteıik, ótken jyldyń jeltoqsanynda Atyraýda balyq qyrylǵan bolatyn.
Sol kezde balyq ólekseleriniń bir bóligi sol kezde jınalǵan, qalǵanyn ózende muz qatýyna baılanysty jınap alýdyń múmkindigi bolmap edi.
«Balyq ólekselerin jınaý úshin balyq sharýashylyǵy basqarmasynyń, oblystyq orman sharýashylyǵy jáne janýarlar dúnıesi ınspektsııasynyń «Arnaıy avtobaza» qyzmetkerleri jumyldyryldy. Tazartý jumystary Jaıyqtyń jaǵalaý mańy bóliginde, qala aýmaǵynda, Geolog, Atyraý, Damba aýyldyq okrýgteriniń aýmaǵynda júrgizilýde. Sonymen qatar balyq aýlaıtyn «Amangeldi» JShS kooperatıviniń kemesi ózenniń muzyn jaryp jatyr. Aldaǵy ýaqytta tabıǵatty paıdalanatyn kásiporyndardyń ózenderde júretin kólikterin qoldana otyryp, ózenniń búkil aýmaǵyndaǵy balyq ólekselerin jınaımyz», - deıdi Atyraý oblystyq balyq sharýashylyǵynyń basshysy Artýr Sádibekuly.
Onyń aıtýynsha, jınalǵan balyq ólekseleriniń barlyǵy «Arnaıy avto baza» JShS aýmaǵynda joıylady. Ári óńirdiń balyq qoryna kelgen zalal aıqyndalady.
Jaıyq ózeninde balyqtardyń jappaı qyrylýyna baılanysty eki qylmystyq is qozǵaldy. Qazir osy apatqa kinálilerdiń anyqtaý úshin tergeý amaldary júrgizilip jatyr. Polıtseıler men veterınarlar balyq ónimderi satylatyn oryndardy qadaǵalap otyr, al ekologtar kún saıyn Jaıyqtan synamalar alyp tekserýde. Ázirge turǵyndar arasynda ýlaný jaǵdaılary tirkelgen joq.
