Atyraýda jaıaý júrginshilerge arnalǵan dıagonaldy jolaq paıda bolady
Atyraý qalalyq ákimdigi baspasóz qyzmetiniń aqparatyna qaraǵanda, dıagonaldy jolaqty Abaı jáne M.Ótemisuly kóshesiniń qıylysyna salý kózdelip otyr.
«Jaıaý júrginshilerge arnalǵan dıagonaldy jolaqty salý birneshe problemany oń sheshýge yqpal etedi. Birinshiden, jol-kólik oqıǵasynyń aldyn alýǵa septigin tıgizedi. Ekinshiden, qalanyń atalǵan aýmaǵyndaǵy kólik keptelisin azaıtady. Eki kóshe qıylysyndaǵy baǵdarshamdarda tórt baǵyttaǵy avtokólikterge bir mezgilde qyzyl tús janady. Sol kezde jaıaý júrginshiler úshin jasyl tús janyp, kez kelgen baǵytqa kedergisiz ótedi. Bul jolaq avtokólik júrgizýshilerine de, jaıaý júrginshilerge de kedergi keltirmeıdi. Osyǵan baılanysty avtokólik júrgizýshileri men jaıaý júrginshilerge jol erejesin qatań saqtap, baǵdarshamnyń jasyl túsi janǵan kezde ǵana ótý qajettigin eskertemiz», -dep habarlady qalalyq ákimdiktiń baspasóz qyzmeti.
Dıagonaldy jolaqtyń qashan iske qosylatyny ázirge belgisiz.
Eske sala ketelik, buǵan deıin Atyraýda KamAZ kóligi qaqqan 6 jasar bala mert bolǵanyn habarlaǵan edik.
Atyraý qalasynyń Juldyz-2 shaǵynaýdanynda KamAZ júk kóligi velosıpedpen kele jatqan 6 jasar balany qaǵyp ketkeni anyqtaldy. Kólik qaqqan bala oqıǵa ornynda kóz jumdy.
Keıin jantúrshigerlik jol apatynan keıin rýldegi jasóspirim aýrýhanaǵa túskenin jazǵan bolatynbyz.
