Atyraýda jasyryn eki tsehtan 15 tonna balyq tabyldy
ATYRAÝ. QazAqparat - Atyraý oblysynda jasyryn eki tsehtan 15 tonnadan astam balyq tabyldy, dep habarlaıdy QazAqparat.
«Balyq pen balyq ónimderi Isataı aýdany Amangeldi aýylyndaǵy jáne qalamańyndaǵy Aqjaıyq kentindegi «Qurmetti» JK-ǵa tıesili qoımalardan tabyldy. Muntaz tektes balyq, sondaı-aq muzdatylǵan, qaqtalǵan jáne ystalǵan balyq tárkilendi. Zańsyz aýlanǵan balyqtyń jalpy salmaǵy - 15 tonnadan asady. Balyqty tárkileý operatsııasyn Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasy men Atyraý oblysy boıyna UQK departamentiniń qyzmetkerleri júrgizdi. Buǵan qatysty QR QK 196-baby boıynsha qylmystyq is qozǵaldy», - dep málim etti Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasy bóliminiń aǵa mamany OlegTýshkanov.
Qazirgi ýaqytta UQK oblystyq departamentiniń tergeý basqarmasy sotqa deıingi tergeý júrgizip jatyr.
Avtor: A. Sokolov
