Atyraýda jasyryn tsehta kondıterlik taǵamdar pisirilgen
ATYRAÝ. QazAqparat – Atyraý qalasynyń turǵyny garajda jasyryn tseh ashyp, kondıterlik taǵamdardy pisirip kelgen, dep habarlaıdy QazAqparat.
Atyraý qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń bólim basshysy Ernar Ábilhaıyrovtyń aıtýynsha, Mahambet kóshesindegi jeke úıdiń aýlasynda zańsyz kondıterlik tseh jumys istegen. Sanıtarlyq talaptarǵa saı kelmeıtin garajda torttar men prıanıkter pisirilgen.
«Bul nysannyń menshik ıesi anyqtalǵan soń, QR Ákimshilik quqyqbuzýshylyq týraly Kodekstiń 425-babymen ákimshilik jaýapkershilikke tartylady. Ázirge naqtylaý men tekserý jumystary júrgizilýde», - dedi Erlan Ábilhaıyrov.
Eske sala ketelik, budan buryn Atyraý oblysynda shekteý sharalary 31 tamyzǵa deıin uzartylǵanyn habarlaǵan edik.
