Atyraýda jastarǵa arnalǵan aýla klýbtary ashyldy
ATYRAÝ. QazAqparat - Atyraýda Nur beles» qoǵamdyq birlestiginiń uıymdastyrýymen «Jeti qazyna», «Dostyq», «Hıýaz», «Beıbarys» aýla klýbtary resmı túrde ashyldy, dep habarlaıdy QazAqparat tilshisi.
«Ótken jyly aýla klýbtary jumystaryn pılottyq arnada júzege asyryldy. Nursaıa móltekaýdanynda «Dostyq» aýla klýby jumys jasaıdy. Sony saraptaı kele biz bıyl Atyraý oblysy boıynsha 6 aýla klýbyn ashýdy josparladyq. Bul jerde jastarǵa qajetti birneshe úıirmelerdi qamtamasyz etýdemiz. Ár úıirmede bilikti mamandar qyzmet atqaratyn bolady. Sondaı-aq jastardyń suranysy boıynsha taǵy da, birneshe úıirmelerdi qarastyrýdamyz»,- dedi oblystyq jastar saıasaty máseleleri basqarmasynyń basshysy Rollan Quspan.
Atalmysh aýla klýbtary jyldyń aıaǵyna deıin jumys jasaıtyn bolady. Ár aýla klýbynda aǵylshyn tili sabaqtary, dombyra, gıtara, ólketaný, shahmat, doıby sekildi sporttyq úıirmelermen qatar akterlik sheberlik, qolóner sabaqtary da ótedi.
Aıta keteıik, úıirmege qatysýshylar tek óz bilimderin jetildirip qana qoımaı, aýla klýbtary arasynda ótetin sharalarǵa qatysady. Aýla klýbtary 7-29 jas aralyǵynda kez kelgen jas tegin qatysa alady.
