Atyraýda jastardyń shyǵarmalary kitap bolyp shyqty
ATYRAÝ. Qazaqparat - Atyraýda jas aqyn-jazýshylardyń antologııasy oqyrmandarǵa jol tartty, dep habarlaıdy QazAqparat tilshisi.
«Oqyrmandarǵa arnalǵan bul týyndyǵa jas aqyn-jazýshylardyń proza men poezııa janryndaǵy shyǵarmalary toptasqan. Jınaq Atyraý oblysy ákimdiginiń qoldaýymen jaryqqa shyqty. Bul kitapqa 25 jas aqyn-jazýshynyń shyǵarmalary enip otyr», - deıdi aqyn, «Rýhanııat» jastar uıymy qoǵamdyq birlestiginiń jetekshisi Álııa Dáýletbaeva.
Kitaptyń tusaýkeser rásiminde belgili ólketanýshy Ótepbergen Álimgereev, jýrnalıst Tólegen Jańabaı, qoǵam qaıratkerleri Mádına Ǵabdisálimova men Ráshıla Mursalıevalar jaryq kórgen kitapqa qatysty pikirlerin aıtyp, óz baǵalaryn berdi.
Kesh sońynda jas aqyndar ózderiniń óleńderin oqyp, jyrdan shashý shashty.
