Atyraýda jastardy jumyspen qamtamasyz etý máselesi talqylandy
Oblystyq jastar saıasaty máseleleri basqarmasynyń basshysy Rollan Quspan jastardy áleýmettik qoldaý jáne jumyspen qamtamasyz etý, jastar saıasatyn júzege asyrý, jastar uıymdaryn biriktirý týraly málimdedi.
"Resýrstyq ortalyqtar jastarmen úlken jumys júrgizýde. Búginde olar oblystyń barlyq aýdandarynda qurylǵan. Bul ortalyqtar jastarǵa naqty kómek kórsetý orny bolyp tabylady. Olarǵa jyl basynan beri túrli máseleler boıynsha 1,8 myńnan astam adam ótinish bildirgen bolatyn. Jalpy aıtqanda,jumysqa ornalasý, shyǵarmashylyq ıdeıalar jáne óz isin ashý boıynsha ótinishter túsip otyr",- deıdi Rollan Quspan.
Búgingi tańda oblys halqynyń 24 paıyzy, shamamen 147 myńy - jastar
"Jyl basynan beri 5 myńnan astam adam qatysqan 27 jastar jármeńkesi ótkizildi. 70 kásiporyn 900 bos jumys ornyn usyndy, nátıjesinde 130 jastar jumysqa ornalasty. "Jasyl el" baǵdarlamasy boıynsha jastardy jazǵy ýaqytta jumysqa tartý baǵytynda da aýqymdy jumystar júrgizildi. 2150 stýdent pen jumyssyz jastar osy jobaǵa qatysýǵa múmkindik aldy. Osy maqsatta jergilikti jáne respýblıkalyq bıýdjetten 140,5 mln teńge bólindi",- dep atap ótti Rollan Quspan.
Jastardy jumysqa ornalastyrýdyń taǵy bir baǵyty "Dıplommen aýylǵa" baǵdarlamasy bolyp tabylady. Jyl basynan beri 32 jas maman bıýdjettik nesıe, 125-i kóterme járdemaqy aldy.
Jastar saıasaty máseleleri basqarmasy basshysynyń aıtýynsha, oblys jastary búginde túrli mádenı, sporttyq, shyǵarmashylyq jobalarmen qamtylǵan. Bular - pikirtalas klýby, Delfıı oıyndary, etnofestıvaldar, jastar teatry jáne taǵy basqalar.
Keńes otyrysynda Qyzylqoǵa aýdanynyń ákimi Arman Bajenovtyń baıandamasy tyńdaldy. Aýdanda jastardy qoǵamdyq ómirge tartý boıynsha úlken jumystar atqaryldy. Bul - jas mamandardy jumysqa ornalastyrý, áleýmettik jáne memlekettik qoldaý kórsetý jáne túsindirý.
Oblys ákimi Nurlan Noǵaev jınalysty qorytyndylaı kele, jastar saıasaty boıynsha óńirde kóptegen paıdaly jumystar atqarylǵanyn atap ótti. Biraq, keıbir sheshimin tappaǵan máseleler de bar.
-Birinshi kezekte,bul jastardy jumyspen qamtamasyz etý. Ár qala,aýdan boıynsha taldaý júrgizý qajet. Qazir JOO-nyń qansha túlegi jumyssyz, usynylatyn jumystan bas tartýdyń negizgi sebebi qandaı? Ózderińiz bilesizder,jumys berýshiler 900 bos qyzmet ornyn usynyp jáne tek 130 adam jumysqa ornalasyp otyr. Biz jastarǵa memleket usynatyn barlyq jaǵdaıdy túsindirýimiz kerek. Elbasy óziniń Joldaýynda 2019 jyldy jastar jyly dep jarııalady. Biz qandaı jumys júrgizemiz? Bul úshin ne qajet? Bul máselelerdiń barlyǵy kúndelikti baqylaýda bolýy tıis",- dedi Nurlan Noǵaev.
Jıynda jastar saıasatyn damytý boıynsha jańa josparlar aıtyldy. 2019-2021 jyldarǵa arnalǵan óńirdiń «Jol kartasy» ázirlenýde, onda jastarmen jumys jasaýdyń strategııalyq baǵyttary aıqyndalǵan.
Oblys basshysy jastar resýrstyq ortalyqtaryn odan ári qoldaý jónindegi usynystardy maquldap, ákimderge ortalyqtardy barlyq deńgeıdegi qajettiliktermen qamtamasyz etýdi tapsyrdy.
"Jastar jınalatyn oryndar. Bul ortalyqtarda ózge de jastar uıymdary ornalasa alady. Týyndaǵan máselelerdi talqylap, tájirıbe almasyp, jastarmen jumys isteýdiń biryńǵaı tujyrymdamasyn ázirleýge múmkindik alady. Óıtkeni búgingi tańda jastar qozǵalysynyń kóshbasshylary barlyq jas urpaqty kóshterine ilestirip, olardy jaqsy isterge baǵyttaýǵa tıis. Sózime jastar nazar aýdaratyn taqyryp qozǵaıtyn jastar teatry mysal. Jumysqa aqsaqaldar, qoǵamdyq keńester, depýtattar, aýdan ákimderi, barlyq bólimderdiń basshylary qatysýy tıis. Tek birlesken kúsh-jigerimizben ǵana biz aldymyzǵa qoıylǵan mindetterdi oryndaı alamyz",-dedi aımaq basshysy.
Kezdesý barysynda jastar uıymdarynyń basshylary oblys ákiminen keńselermen qamtamasyz etip, jastar bastamalaryn damytýǵa arnalǵan nesıelerdi sýbsıdııalaýdy ótindi.
Nurlan Noǵaev Atyraý qalasynda jastar saraıynyń,shyǵarmashylyq ortalyqtyń qurylysy júrip jatqanyn eske saldy. Sol ǵımarattarda jastarǵa barlyq jaǵdaılar jasalady.
"Jastarmen jumys jasaý jaýapty ári qıyn. Biz sizderdiń bastamalaryńyzdy árqashan qoldaımyz. Qarjylyq jaǵynan da qoldaý bildiremiz",- dep qorytyndylady oblys ákimi.
