Atyraýda jastardy ómirlik daǵdylarǵa úıretip jatyr
ATYRAÝ. QazAqparat - Atyraýda 400-ge jýyq jastar «Tabysqa jetý pasporty» ómirlik daǵdylarǵa úıretý baǵdarlamasynan ótti, dep habarlaıdy «QazAqparat» HAA tilshisi.
«Atyraýda tegin bilim berý baǵdarlamasy Qazaqstan boıynsha Halyqaralyq jastar qorynyń «Zańǵar» jobasy aıasynda oblys ákimdigi men munaı kompanııalarynyń birimen birlesip júzege asyrylýda. Joba Atyraýdaǵy 21 bilim berý mekemesin qamtıdy. Baǵdarlamaǵa mektep, kolledj jáne joǵary oqý oryndarynyń bilim alýshylary qatysa alady», - dedi Halyqaralyq jastar qorynyń Atyraýdaǵy ókildiginiń dırektory Ásem Sátmuhambetova.
Onyń aıtýynsha, «Tabysqa jetý pasportyna» ómirlik daǵdylar boıynsha 55 sabaq engen. Onyń ishinde kúızelispen kúres, ıntellektýaldyq jáne fızıkalyq turǵydan óz-ózin damytý bar.
Bolashaqta bul baǵdarlamaǵa qarjylyq saýattylyq boıynsha 10 sabaq qosý josparlanýda.
