Atyraýda jasóspirimge ishimdik satqan kásipker jaýapqa tartyldy
ATYRAÝ. QazAqparat - Atyraýda jeke kásipker 21 jasqa tolmaǵan tulǵaǵa alkogoldik ónimdi satqany úshin jaýapqa tartyldy, dep habarlaıdy QazAqparat tilshisi.
«Atyraý oblysynyń Jylyoı aýdandyq sotymen alkogol ónimderin ótkizýge baılanysty Qazaqstan Respýblıkasynyń ÁQBtK-niń 200-babynyń 1-bóligimen ákimshilik quqyqbuzýshylyq týraly is qaraldy. Іs qujattarynan anyqtalǵandaı, azamat. S. jeke kásipker bola tura, óz kásibin «Jálimbet» dúkeninde júzege asyrý kezinde alkogoldik ónimdi 21 jasqa tolmaǵan tulǵaǵa ótkizip, sonysymen ákimshilik quqyqbuzýshylyqqa jol bergen», delingen oblystyq sottyń baspasóz habarlamasynda.
Aıta ketý kerek, sot qaýlysymen azamat S. ákimshilik quqyqbuzýshylyq jasaǵany úshin kináli dep tanylyp, oǵan jaza retinde 1 aı merzimde alkogol ónimderin satýǵa lıtsenzııanyń qoldanysyn toqtatýmen, 40 aılyq eseptik kórsetkish mólsherinde nemese 96 200 teńge ákimshilik aıyppul taǵaıyndaldy.
