Atyraýda jasóspirimderge qarsy jasalatyn qylmys sany kóbeıgen
Oblystyq polıtsııa departamenti jergilikti polıtsııa qyzmetiniń bastyǵy Álibek Qaıyrovtyń málimetinshe, byltyrǵy 7 aıda kámeletke tolmaǵandar 37 qylmys jasaǵan. Al, bıyl olardyń qatysýymen jasalǵan 19 qylmys tirkelgen.
«Bizdi jasóspirimderge qarsy jasalatyn qylmystyń kóbeıgeni alańdatyp otyr. Máselen, ótken jyly 7 aıda kámeletke tolmaǵandardyń quqyǵy buzylǵan 53 qylmys anyqtaldy. Bıyl osyndaı 78 qylmys tirkelip otyr. Qylmystyń kópshiligin jasóspirimderdiń ógeı ákesi, kórshileri men týystary jynystyq zorlyq-zombylyq túrinde jasaıdy» -deıdi Álibek Qaıyrov.
Onyń orynbasary Myrzaly Óteǵalıevtyń aıtýynsha, bıylǵy jyl basynan beri balalar men jasóspirimderdiń qatysýymen 37 jol-kólik oqıǵasy tirkelgen. Jol-kólik oqıǵasynan 37 bala jaraqat alyp, altaýy qaıtys bolǵan.
Eske sala ketelik, buǵan deıin Atyraýda bir aptada 9 jasóspirim joǵalyp ketkenin habarlaǵan bolatynbyz.