Atyraýda jasóspirimder oq atýǵa qoldanǵan tapansha sýyq qarýǵa jatpaıdy
ATYRAÝ. QazAqparat – Atyraýda jasóspirimder oq atýǵa qoldanǵan tapansha sýyq qarýǵa jatpaıdy, dep habarlaıdy QazAqparat.
Buǵan deıin Atyraýda kishkentaı balaǵa oq atqan eki jasóspirim ustalǵanyn habarǵan edik.
Bul derekti rastaǵan oblystyq Polıtsııa departamenti baspasóz qyzmetiniń málimetinshe, oqıǵa keshe, 1 qyrkúıekte saǵat 20:00 shamasynda bolǵan.
Atyraý qalalyq polıtsııa basqarmasy №2 polıtsııa bólimine 1976 jylǵy áıel ulyna kórshi aýlada turatyn jasóspirimder travmatıkalyq qarýdan oq atqany týraly shaǵym túsken. Soǵan baılanysty SMP-136 shaǵyn aýdanyndaǵy №4 úıdiń aýlasynan 12 jasar eki jasóspirim ustalǵan. Jasóspirimderdiń teris qylyǵyna baılanysty 5 ata-ana jazbasha aryz bergen.
«Plastıkalyq oq atylatyn oıynshyq tapanshalardyń sýyq qarýǵa jatatynyn anyqtaý maqsatynda saraptama taǵaıyndaldy. Saraptama qorytyndysymen tárkilengen tapanshanyń sýyq qarýǵa jatpaıtyny, ıaǵnı balalar oıynshyǵy ekeni anyqtaldy» - dep habarlady departamenttiń baspasóz qyzmeti.
