Atyraýda jasóspirimder 18 úıdi tonady
ATYRAÝ. QazAqparat - Atyraýda ustalǵan qaraqshylar toby qala mańyndaǵy shaǵyn aýdandardaǵy 18 úıdi tonaǵan, dep habarlaıdy «QazAqparat» HAA tilshisi.
«Atyraýda tórt adamnan quralǵan top naýryzdan qyrkúıekke deıin úılerdi tonap kelgen. Topqa kámelet jasyna tolmaǵan úsh jasóspirim men bir jigit kirgen. Olar qalanyń túrli shaǵyn aýdandaryndaǵy jeke úıler men kottedjderdi tonaǵan. Qala mańyndaǵy Mıras, Juldyz, Kóktem, Aqjar shaǵyn aýdandaryndaǵy úılerdegi zattardy qoldy etken. Negizinen úıdegi kerek-jaraqtardy, turmystyq tehnıkalardy, aqshalardy urlaǵan. Jarty jyldyń ishinde qaskúnemder 18 ret urlyq jasaǵan», - dep habarlady Atyraý oblystyq ІІD baspasóz qyzmeti.
Barlyq oqıǵalar boıynsha QR QK 188-baby «Urlyq jasaý» boıynsha sotqa deıingi tergeý jumystary bastaldy. Qylmystyq toptyń 20 jastaǵy qatysýshysy ýaqytsha ustaý oqshaýlaǵyshyna qamaldy.
