Atyraýda jasóspirim Jaıyqqa batyp ketti
ATYRAÝ. QazAqparat – Atyraýda 15 jasar jasóspirim Jaıyq ózenine batyp ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, oqys oqıǵa 18 shildede bolǵan.
«Keshe saǵat 20:15 shamasynda 2006 jyly týǵan jasóspirim «Atyraý» dene shynyqtyrý-saýyqtyrý kesheni tusyndaǵy jaǵajaıda Jaıyq ózenine sýǵa túsken. Alaıda, jasóspirim ózennen qaıta shyqpaı qalǵan. Jedel-qutqarý jasaǵynyń qutqarýshylary saǵat 20:31-de Jaıyqqa batqan balanyń denesin sýdan shyǵardy» -dep habarlady departamenttiń baspasóz qyzmeti.
Eske sala ketelik, budan buryn Atyraý oblysynda bir kúnde eki adam sýǵa ketken bolatyn.
