Atyraýda jas jigit beınetúsirilim úshin bıik kópirden sekirdi
ATYRAÝ. QazAqparat -Atyraýda Jaıyq ózenindegi kópirden sekirgen azamattyń beınetúsirilimi áleýmettik jelilerge tarap ketti, dep habarlaıdy QazAqparat.
Bul beınetúsirilimdi Raimbek Jumagaliev atty azamat ornalastyrǵan. Bul sekiristiń sońy qaıǵyly jaǵdaımen aıaqtalýy da múmkin edi. Abyroı bolǵanda sýǵa sekirgen jigit aman qaldy. Al montajdalyp, mýzykasymen berilgen beınetúsirilim kópshiliktiń nazaryna usynyldy.
Onda jas jigit kópirdiń ústimen ketip bara jatady da, toqtaı qalyp, jol jıgendegi qorshaýdan asyp túsip, Jaıyq ózenine sekiredi.
Abyroı bolǵanda, jigit birden sýdan shyǵyp jaǵalaýǵa qaraı júze bastaıdy. Atyraýda jastardyń kópirden Jaıyq ózenine sekirýi birinshi ret bolyp otyrǵan jaǵdaı emes. Ókinishke oraı birneshe márte qaıtalanǵan mundaı áreketterdiń sońy qaıǵyly aıaqtalǵan kezderi de boldy.
Aıta keteıik, bıylǵy jyly osy óńirdiń ózenderine, negizinen Jaıyq ózenine 14 adam batyp ketti. Olardyń 6-ýy balalar.
