Atyraýda jas ananyń qaıtys bolý sebepteri anyqtalýda
ATYRAÝ. QazAqparat - Atyraýda bala bosaný kezinde kóz jumǵan 32 jastaǵy áıeldiń qaıtys bolý sebepteri anyqtalyp jatyr.
Aýylda turǵan áıeldi jergilikti dárigerler Atyraýǵa jibergen. Túsiniksiz sebeptermen oblystyq perınataldyq ortalyq ony qabyldamaı qoıǵan, sondyqtan ol qalalyq perzenthanada bosanýǵa májbúr bolǵan. Alaıda onda da áıel óte kesh barǵan: bosaný kezinde áıel baqılyq boldy, balany da saqtap qalý múmkin bolmady.
«Atalǵan fakti boıynsha qylmystyq is qozǵaldy. Aldyn ala boljam boıynsha, tolǵaq kezinde qıyndyqtar týyndaǵan jáne ol embolııadan (qan tamyrynyń bitelýi) kóz jumýy múmkin. Biraq, taǵy da qaıtalap aıtam, munyń bári aldyn ala boljam ǵana. Astanadan táýelsiz sarapshylar kelip, jas bosanǵan áıel óliminiń naqty sebebin aıtady», - dedi «QazAqparat» HAA tilshisine Atyraý oblysy densaýlyq saqtaý basqarmasy basshysynyń orynbasary Dına Kamelova.
