Atyraýda jarylǵysh zat týraly habarlamadan keıin 50-den astam adam evakýatsııalandy
ATYRAÝ. QazAqparat - Atyraýda ótken túni sýpermarkette jarylǵysh qurylǵy qoıylǵany týraly jalǵan telefon habarlamasynan keıin 50-den astam adam evakýatsııalandy, dep habarlaıdy «QazAqparat» HAA tilshisi.
«Telefon shalǵan kisi Qunanbaev kóshesi №28 turǵyn úıdiń birinshi qabatynda ornalasqan sýpermarketke jarylǵysh zat qoıylǵandyǵyn habarlaǵan. Aıtylǵan jerge mamandar jetip, sýpermarket qyzmetkerleri men turǵyn úıdegi 50-den astam adamdy evakýatsııalady. Sýpermarkettiń aýmaǵyn tekserý barysynda jarylǵysh zat tabylǵan joq. Biraq, úıdiń shatyrynan 1989 jylǵy er azamat mas kúıinde tabyldy. Ol jalǵan habarlama bergenin tolyq moıyndady», - dedi oblystyq ІІD baspasóz hatshysy Gúlnazıra Muhtarova. QR QK 273-baby «Terrorızm aktisi týraly kórineý jalǵan habarlaý» boıynsha sotaldy tergeý jumystary júrgizilýde.
