Atyraýda jaryqsyz qalǵan 25 úıge jańa transformator ornatyldy

ATYRAÝ. QazAqparat - Atyraýda jaryqsyz qalǵan eki qabatty 25 úıdiń turǵyndaryna jańa transformator ornatyp, elektr energııasy berildi, dep habarlaıdy QazAqparat tilshisi qala ákimdiginiń baspasóz qyzmetine silteme jasap.

«Juma kúni keshkisin qala ákimi Álımuhammed Quttumuratuly «Leshoz» shaǵynaýdanyna bardy. Onda qýattylyǵy 400 kVt bolatyn transformator janyp ketken edi. Ol janyp ketken transformatordy jańasyna aýystyrý jónindegi jumys barysymen tanysty. Shaǵynaýdandaǵy turǵyndarmen sóılesti. Olarǵa PIK quryp, qyzmet kórsetetin kásiporynmen shart jasaýǵa keńes berdi», - dep habarlady qala ákimdiginiń baspasóz qyzmeti.

Qalalyq TKSh bóliminiń basshysy Shákir Keıkınniń aıtýynsha, transformator zańdy túrde qaraýsyz dep tanylady. Keıin qaıta qurylǵan PIK ony ózine alyp, «Atyraý Jaryq» AQ-men qyzmet kórsetý týraly resmı shart jasalady.

Eske salaıyq, juma kúni keshkisin «Leshoz» shaǵynaýdanynda eki qabatty 25 úıge qyzmet kórsetetin ıesiz turǵan transformator janyp ketti.

Bul úılerdiń turǵyndary burynyraqta PIK qurýdan, transformatorǵa qyzmet kórsetetin «Atyraý Jaryq» AQ-men shart jasaýdan bas tartqan bolatyn.

Avtor A.Sokolov