Atyraýda jarty tonnadan astam bekire tárkilendi

ATYRAÝ. QazAqparat – Atyraý, Mańǵystaý jáne Batys Qazaqstan oblystarynyń sý aıdyndarynda eki aıǵa sozylǵan «Bekire-2022» balyq qorǵaý aktsııasy kezinde brakonerlerden 21 tonna balyq tárkilenip, 19,7 mln teńge aıyppul salynǵan edi. Keshe túnde jarty tonnadan astam bekire tárkilendi, dep habarlaıdy QazAqparat.

Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri brakonerlikke qarsy keń aýqymdy aktsııa kezinde quqyq jáne tabıǵat qorǵaý organdarynyń jáne UQK Shekara qyzmetiniń ókilderimen birge tabıǵat qorǵaý zańnamasy buzylǵan 1231 derekti anyqtaǵan edi.

Keshe, 25 maýsymda 533,95 keli bekire tuqymdas balyq túrlerin qoldy qylmaq bolǵandardyń jolyn kesti.

«Teńiz balyq ınspektsııasy men Damby balyq ınspektsııasynyń mamandary birlesken reıd júrgizdi. Reıdke Aqjaıyq memlekettik tabıǵı rezervatynyń qyzmetkerleri de qatysty. Túngi​ saǵat 03:00 shamasynda Kaspıı​ teńizi​ ​ baǵytynan kele jatqan​ baıla qaıyǵy toqtatyldy. Qaıyqqa​ 2 dana qos matorly «ıAmaha-200«​ ornatylǵan. Alaıda toqtaýdan bas tartqan úsh adam​ Damby aýylynyń tusynda Jaıyq ózeniniń jaǵalaýyna qaraı qashyp ketti. Túngi​ mezgilge​ baılanysty qashkan adamdardy tabýǵa mýmkindik bolǵan joq. Bul týraly 102 nómirine habar berildi.​ Baıda qaıyǵyna polıtsııa qyzmetkerlerimen birge tekserildi. Qaıyqtan bekire tuqymdas balyqtar tabyldy. bekire tuqymdas balyqtardyń jalpy salmagy 533,95 kelini qurady. Qazirgi kezde zańsyz balyq aýlaýshylardy anyqtaý jumystary júrgizilip jatyr» -dep habarlady ınspektsııanyń baspasóz qyzmetinen.

Eske sala ketelik, budan buryn Atyraýda brakonerlerden 21 tonna balyq tárkilenip, 20 mln teńgege jýyq aıyppul salynǵanyn jazǵan edik.