Atyraýda jappaı tártipsizdikten zardap shekken polıtseıdiń jaǵdaıy áli de aýyr

ATYRAÝ. QazAqparat – Atyraýda jappaı tártipsizdikten zardap shekken polıtseılerdiń biriniń jaǵdaıy áli de aýyr, dep habarlaıdy QazAqparat.

Bul týraly onlaın brıfıngide Atyraý oblysy prokýrorynyń orynbasary Abzal Gılım málim etti.

«Qazir jappaı tártipsizdik kezinde jaraqat alǵan bir polıtseıdiń jaǵdaıy aýyr. Oǵan kúrdeli ota qajet. Al, zardap shekken ózge qyzmetkerler aýrýhanalardan shyqty», - dedi Abzal Gılım.

Onyń aıtýynsha, jappaı tártipsizdik kezinde Atyraýda 103 adam zardap shekken. Onyń ishinde 55 polıtseı, Ulttyq ulannyń 28 qyzmetkeri men qarapaıym 20 turǵyn bar.

Atyraýdaǵy jappaı tártipsizdik kezinde polıtsııanyń 17 qyzmettik avtokóligi, jedel járdemniń 4 kóligi men 1 avtobýs búlingen.

Jalpy, keltirilgen zalal kólemi 168 mıllıon teńgeden asqan.