Atyraýda jappaı tártipsizdik kezinde 1 myńnan astam arnaıy quraldar urlanǵan

ATYRAÝ. QazAqparat – Atyraýda jappaı tártipsizdik kezinde 1 myńnan astam arnaıy quraldar urlanǵan, dep habarlaıdy QazAqparat.

Atyraý oblysy prokýrorynyń orynbasary Abzal Gılımnyń málimetinshe, oblystyq ákimdik ǵımaratyna shabýyl kezinde polıtsııa qyzmetkerlerinen 9 dana atys qarýy tartyp alynǵan. Qazir onyń 4-eýi keri qaıtarylǵan.

«Jappaı tártipsizdikke qatysýshylar 1 myńnan astam qalqan, kaska jáne basqa da arnaıy quraldardy zańsyz ıemdengen. Tartyp alynǵan quraldardyń 52-si tabyldy. Qazir qalǵanyn izdeý jalǵasyp jatyr. Sol sebepten, turǵyndardan urlanǵan qarýlar men arnaıy quraldardy polıtsııaǵa tapsyrýǵa shaqyramyn.

Qarýdy erikti tapsyrǵan azamattar zańmen qýdalanbaıdy», -dep málim etti Abzal Gılım.