Atyraýda janjal týdyrǵan vıdeoǵa qatysy bar jastar jazaǵa tartyldy
ASTANA. QazAqparat - Kolledj túlekteri usaq buzaqylyqtary úshin jaýapqa tartyldy, dep habarlaıdy «Moı GOROD» portaly.
Atyraý oblysy Іshki ister departamentiniń habarlaýynsha, sot qaýlysymen ákimshilik quqyq buzýshylyqqa qatysty jáne qoǵamdyq tártipti buzǵan jastar QR ákimshilik quqyq buzýshylyq kodeksiniń 434 baby 1 tarmaǵynda qarastyrylǵan «Usaq buzaqylyq» boıynsha jaýapqa tartylyp otyr.
1 shilde kúni 1998 jáne 1999 jylǵy Atyraý qalasynyń eki turǵyny Atyraý ІІB ákimshilik qamaýǵa alynǵandardy ustaýǵa arnalǵan arnaıy ýaqytsha qabyldaý mekemesine toǵytyldy. Vıdeodaǵy qyz balanyń isine qatysty bir táýliktik ákimshilik qamaýǵa alý jazasy taǵaıyndaldy, - dep habarlady baspasóz qyzmeti.
Vıdeoǵa qatysqan tórtinshi balanyń kámelettik jasqa tolmaǵandyǵy anyqtaldy, alaıda aldaǵy kúnderi oǵan qatysty sot qaýlysy shyǵady.
Aıta keteıik, áleýmettik jeliler arqyly oqý mekemesin balaǵattaǵan janjaldy vıdeo taralǵan bolatyn. Oblystyq ákimdik aldynda túsirilgen vıdeoǵa qatysýshylar Atyraý qalasyndaǵy kolledjderdiń biriniń túlekteri bolyp shyqty. Birneshe kún ótkennen keıin túlekter jurt aldynda istegen isteri úshin keshirim surady.
