Atyraýda jansaqtaý bóliminde koronavırýspen jatqan naýqastar sany kóbeıdi
ATYRAÝ. QazAqparat – Atyraýda jansaqtaý bóliminde koronavırýspen jatqan naýqastar sany kóbeıdi. Qazir munda jaǵdaıy aýyr 88 naýqas emdelip jatyr, dep habarlaıdy QazAqparat.
Oblystyq densaýlyq saqtaý basqarmasynyń málimetine súıensek, ınfektsııalyq statsıonarlarda oqshaýlanǵan naýqastar sany 1 807-ge jetken.
«Statsıonarlardaǵy 3 012 tósek-orynnyń júktemesi 59,9%-dy qurap otyr. Al, 114 tósek-orny bar jansaqtaý bóliminde koronavırýs juqtyryp, jaǵdaıy nasharlaǵan 88 naýqas jatyr. Onyń ishinde 8 patsıent ókpeni jasandy jeldetý apparatyna qosylǵan. Bul bólimniń júktemesi 77,1%-ǵa jetti» - dep habarlady basqarmanyń baspasóz qyzmeti.
Eske sala ketelik, budan buryn Atyraýda jansaqtaý bóliminde jatqan 84 naýqastyń jaǵdaıy aýyr ekenin habarlaǵanbyz.
