Atyraýda jansaqtaý bóliminde koronavırýspen aýyrǵan 35 naýqas jatyr
ATYRAÝ. QazAqparat – Atyraý oblysynda jansaqtaý bóliminde koronavırýspen aýyrǵan 35 naýqas jatyr, dep habarlaıdy QazAqparat.
Oblystyq densaýlyq saqtaý basqarmasynyń basshysy Nurlybek Qabdyqaparovtyń málimetinshe, ótken táýlikte Atyraý oblysynda koronavırýs ınfektsııasyn juqtyrǵan 37 naýqas tirkelgen.
«Bul – karantın jaǵdaıyndaǵy tómengi statıstıka. Qazir ınfektsııalyq statsıonarlarda 721 naýqas, provızorlyq statsıonarlarda 368 naýqas em qabyldaýda. Jansaqtaý bóliminde 35 adam emdelip jatyr. Qaýipti indetten 18 adam qaıtys boldy», - dedi Nurlybek Qabdyqaparov.
Onyń aıtýynsha, Atyraý oblysynda 1 170 oryndyq ınfektsııalyq statsıonar, 787 provızorlyq statsıonar bar.
Eske sala ketelik, Atyraý oblysynda karantın 3 tamyzǵa deıin sozdyrylǵan bolatyn.
