Atyraýda janarmaı beketin tonaǵan eki adam ustaldy
ATYRAÝ. QazAqparat – Atyraýda janarmaı beketin tonaǵan eki adamty polıtsııa izin sýytpaı ustady, dep habarlaıdy QazAqparat.
Oqıǵa Atyraý qalasynda túngi saǵat 03:00-der shamasynda bolǵan. Betine medıtsınalyq betperde kıgen belgisiz eki adam Leshoz shaǵyn aýdanynda ornalasqan janarmaı quıý beketine qaraqshylyq shabýyl jasaǵan. Olar kassırdi pyshaqqa uqsas ótkir zatpen qorqytyp, kassadan 200 myń teńgeni alyp ketken. Alaıda, olar alysqa uzamaı, polıtseılerdiń qolyna tústi.
«Kúdiktiler - Leshoz jáne Kókarna shaǵyn aýdandarynda turatyn jastar bolyp shyqty. Olardyń biriniń jasy 23-te, ekinshisi - 18-de. Ustalǵandardan urlanǵan aqsha alyndy. Qazir kúdiktiler ýaqytsha ustaý ızolıatoryna qamaldy. Sotqa deıingi tergep-tekserý jumystary júrgizilp jatyr», dep habarlady oblystyq polıtsııa departamentiniń baspasóz qyzmeti.
