Atyraýda jańa tennıs ortalyǵy jumys jasaı bastady
ATYRAÝ. QazAqparat - Atyraýda resmı túrde ótken jyldyń sońynda ashylyp, biraq qurylystyń tolyqtaı bitpeýine baılanysty qaıta jabylǵan jańa tennıs ortalyǵy óz jumysyn bastady, dep habarlaıdy «QazAqparat» HAA tilshisi.
«Munaıshy» dene shynyqtyrý-saýyqtyrý kesheninen (DSK) jańa tennıs ortalyǵyna 123 jas tennısshi kóship keldi. DSK-da kóp balalar jattyǵa almady. Alaıda, tilek bildirýshiler kóp. Ótken jyldyń jeltoqsan aıynda tennıspen aınalysý úshin kezekke 530 adam turǵan bolatyn. Biz sporttyń osy túrimen aınalysqysy keletinderdiń barlyǵyn qabyldaýǵa daıynbyz», - dep habarlady oblystyq tennıs federatsııasynyń dırektory Vera Tıhomırova-Bregvadze.
Jańa sport ortalyǵynda tórt syrtqy jáne tórt ishki korttar bar. Bul jerde bir ýaqytta 600 sportshy jattyǵa alady. Tennıs korttary barlyq halyqaralyq talaptarǵa saı. Jabyndy Rıo-de-Janeırodaǵy olımpıada alańdarynda korttardy daıyndaýǵa tartylǵan ıspanııalyq mamandar jasady.
