Atyraýda jańa ólketaný mýzeıi ashylady
ATYRAÝ. QazAqparat - Atyraýda jańa ólketaný mýzeıi ashylady, sebebi burynǵy tarıhı-ólketaný mýzeıiniń ǵımaraty qazirgi zaman talaptaryna saı emes, dep habarlaıdy «QazAqparat» HAA tilshisi.
«Oblystyq tarıhı-ólketaný mýzeıi eshqandaı syn kótermeıdi. Jańa mádenı nysan úshin ǵımaraty keń Slanov atyndaǵy jańa kitaphananyń bir bóligin berý kerek nemese jańa mýzeıdiń jobalyq-smetalyq qujattamasyn jasaýdy bastaý qajet», - dep málimdedi búgin oblys ákimi Nurlan Noǵaev Qazaqstan halqy Assambleıasynyń kezekti 21 sessııasynda.
Atyraýdaǵy tarıhı-ólketaný mýzeıi 1939 jyly qurylǵan. Ondaǵy alǵashqy ekspozıtsııa 200 jádigerden quralǵan bolatyn. Kóne zattardy saqtaıtyn mýzeı ýaqyt óte kele óńirdiń mádenı ortalyǵyna aınaldy. Qazirgi tańda mýzeıde 50 myńnan astam jádiger bar.
