Atyraýda jańa bosanǵan áıeldiń neden kóz jumǵany belgili boldy
ATYRAÝ. QazAqparat - Atyraýda bosanǵan áıeldiń neden qaıtys bolǵany belgili boldy, dep habarlaıdy QazAqparat tilshisi.
«Aldyn ala dıagnoz boıynsha, áıel qaǵanaq sý embolııasynan kóz jumýy múmkin. Biraq, bul tek - boljamdy dıagnoz ǵana. Naqty sebebi barlyq saraptama júrgizilgennen keıin belgili bolady», - dep habarlady oblystyq perınataldyq ortalyqtyń bas dárigeri Qýanysh Nysanbaev.
Eske salaıyq, áıel oblystyq perzenthanaǵa Isataı aýdanynan kelip túsken. Bosaný protsesinde kedergiler bolyp, ana men bala ómirine qaýip tónýi múmkin bolǵandyqtan, oǵan kesar tiligin jasaý týraly sheshim qabyldandy. Ota sátti ótti, balanyń ómirine eshqandaı qaýip tóngen joq. Biraq, belgisiz sebeptermen birneshe saǵat ótken soń áıeldiń hali nasharlaǵan. Ony qutqarý múmkin bolmaǵan. Birneshe saraptama taǵaıyndaldy. Sonyń qorytyndysyna qarap onyń naqty neden qaıtys bolǵanyn aıtýǵa bolady.
