Atyraýda jańa avtobýstar jolǵa shyqty
ATYRAÝ. QazAqparat - Atyraýda qoǵamdyq kóliktiń damý tujyrymdamasyn júzege asyrý jalǵasýda, dep habarlaıdy QazAqparat tilshisi.
Atyraý qalasy ákimdiginiń baspasóz qyzmetiniń habarlaýynsha, keshe Semeı qalasynda shyǵarylǵan jańa 8 avtobýs №30a baǵytynda jolǵa shyqty. «BRK-Lızıng» AQ basqaratyn avtobýs parkin jańartýdyń jańa baǵdarlamasy boıynsha jańa qoǵamdyq kólik satyp alyndy. Osylaısha, Atyraýda qoǵamdyq kólikti damytý tujyrymdamasyn júzege asyrý jalǵasýda.
Sonymen qatar, jańartylǵan baǵyttardan bosatylǵan 7 úlken avtobýs №7 baǵytynda jolǵa shyqty.
Turǵyndardyń nazaryna №30a baǵyty Atyraý áýejaıy men Jeńis saıabaǵy boıynsha júredi, №7 baǵyty Avangard sońǵy aıaldamasynan Hımposelok arqyly Kara-deponyń ortasyna deıin jáne keri qaraı júretin jolaýshylardy tasymaldaıdy , - dep habarlady Atyraý qalasy ákimdiginiń baspasóz qyzmeti.
Aıta keteıik, Atyraý oblysynyń ákimi bastamashy bolǵan qoǵamdyq kólik tujyrymdamasyn iske asyrý bastalǵannan beri qalalyq avtobýs parkine 75 jańa avtobýs kelip túsken. Bıylǵy jyly 100-den astam qoǵamdyq kólikti satyp alý josparlanyp otyr. «Sondaı-aq , ótken jyldyń kúzinde tujyrymdamany iske asyrý aıasynda Atyraý qalasynyń alty avtobýs baǵdarynda elektrondyq bıletter engizildi.
