Atyraýda jaqsy nátıjemen kózge túsken polıtseılerdiń analary marapattaldy

ATYRAÝ. QazAqparat – Atyraýda polıtseılerdiń analaryna «Ofıtserdiń» anasy medali tabystaldy, dep habarlaıdy QazAqparat.

Bul marapat ul-qyzdary polıtsııa qataryndaǵy qyzmetinde jaqsy nátıjemen kózge túsken

tártip saqshylarynyń analaryna berildi. Medalda anasyna gúl syılap turǵan ofıtser

beınesi, «Ofıtserdiń anasy» degen jazý bar.

«Polıtsııa qataryndaǵy ofıtserlerdiń anasyn kóktemniń shýaqty merekesi – halyqaralyq

áıelder kúnimen quttyqtaımyn. Bilimdi, bilikti ofıtser ul-qyzdar tárbıelep

ósirgenderińiz úshin alǵys aıtamyz. Batyr da, dana da, ǵalym da, alyp ta, aqyn da anadan

týady. Sondyqtan, ómirge urpaq ákelgen analarǵa qandaı qurmet kórsetsek te artyq

etpeıdi. Analarymyz aman júrsin», -dedi oblystyq polıtsııa departamentiniń bastyǵy,

polıtsııa polkovnıgi Nurhat Orazbaev.

Eske sala ketelik, buǵan deıin atyraýlyq ana ıt talaǵan balasyn aýrýhanaǵa jetkizgen

polıtseıge alǵys aıtqanyn habarlaǵan bolatynbyz.