Atyraýda jaǵdaıy aýyr 78 naýqas jansaqtaý bóliminde jatyr
ATYRAÝ. QazAqparat – Atyraýda koronavırýs ınfektsııasyn juqtyryp, jaǵdaıy nasharlaǵan 78 naýqas jansaqtaý bóliminde jatyr, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, óńirdegi 2 922 oryndyq ınfektsııalyq statsıonarlarda 1 325 naýqas emdelip jatyr.
«Infektsııalyq statsıonarlardaǵy júkteme 45,3%-dy qurap otyr. Al, 114 tósek-orny bar jansaqtaý bóliminde jaǵdaıy aýyr 78 naýqas oqshaýlanǵan. Onyń ishinde 10 patsıent ókpeni jasandy jeldetý apparatyna qosyldy. Qazir mundaǵy júkteme 68,4%-ǵa jetti» -dep habarlady basqarmanyń baspasóz qyzmeti.
Eske sala ketelik, buǵan deıin Atyraýda koronavırýs juqtyrǵan 67 naýqas jansaqtaý bóliminde jatqanyn jazǵan edik.
