Atyraýda jabyq áleýmettik mekeme stýdentteri men qyzmetkerleri vaktsına alady
ATYRAÝ. QazAqparat - Atyraýǵa 3600 doza ekpe jetkizildi. Jańadan kelgen vaktsına jabyq áleýmettik mekemelerdiń stýdentteri men qyzmetkerlerine arnalǵan, dep habarlaıdy QazAqparat Atyraý oblystyq densaýlyq saqtaý basqarmasynyń baspasóz qyzmetine silteme jasap.
Spýtnık V vaktsınasynyń 3600 dozasy Aqtóbe farmatsevtıkalyq habynan 2 sáýir kúni tańerteń jetkizildi.
Ony Atyraý oblysyndaǵy 22 egý pýnktine bólý josparlanýda.
Vaktsınalardyń jańa partııasy jabyq áleýmettik mekemelerdiń stýdentteri men qyzmetkerlerine arnalǵan.
Sondaı-aq, QR Densaýlyq saqtaý mınıstrligi usynǵan azamattardyń segiz basym sanaty boıynsha halyqty da vaktsınatsııalaý jalǵasady
Aıta keteıik, búgingi tańda Spýtnık V ekpesiniń birinshi komponentimen óńirdiń 3600 turǵyny, ekinshi komponentimen 1556 adam egildi.
- Sońǵy táýlikte koronavırýsqa qarsy vaktsınanyń II komponentin 311 adam aldy. Onyń ishinde 8 memlekettik qyzmetshi, 60 medıtsına qyzmetkeri jáne 243 pedagog bar, - dep naqtylady Atyraý oblysy densaýlyq saqtaý basqarmasynyń baspasóz qyzmetinen.
