Atyraýda zańsyz júrgen Irlandııa azamaty elden shyǵaryldy
ATYRAÝ. QazAqparat – Atyraýǵa kelgen sheteldiktermen birge Irlandııa azamaty elden shyǵaryldy, dep habarlaıdy QazAparat.
Oblystyq polıtsııa departamenti baspasóz qyzmetiniń málimetinshe, «Mıgrant» jedel is-sharasy kezinde kóshi-qon zańnamasyn buzýdyń 419 deregin anyqtalǵan.
«Onyń ishinde 229 sheteldik QR Ákimshilik quqyq buzý kodeksiniń 517-babymen ákimshilik jaýapkershilikke tartyldy. Qazaqstan Respýblıkasynyń kóshi-qon zańnamasyn buzǵany úshin sot sheshimimen Ózbekstan Respýblıkasynyń - 8, Irlandııa eliniń 1 azamaty Túrkistan oblysyndaǵy Jibek joly baqylaý-ótkizý beketi arqyly elden shyǵaryldy. Eńbekshi kóship kelýshilerge ruqsat berý, uzartý jáne keri qaıtaryp alý, sondaı-aq, dakto, foto esepke alýdy qalyptastyrý men júrgizý qaǵıdalarynyń talaptaryna sáıkes kelmeýine baılanysty Ózbekstannyń 108 eńbek mıgrantyna jumysqa alǵan ruqsaty keri qaıtaryldy» dep habarlady departamenttiń baspasóz qyzmeti.
Sondaı-aq, Ózbekstan Respýblıkasynyń 3 azamaty qujatsyz júrgeni anyqtalǵan.
Kóshi-qon qyzmetkerleriniń kómegimen Qazaqstan Respýblıkasynda ornalasqan Ózbekstan Respýblıkasynyń elshiligi arqyly olardyń tólqujaty qalpyna keltirilip, Qazaqstan aýmaǵynan sot sheshimimen shyǵarylǵan.
Eske sala ketelik, budan buryn Atyraýda qujatsyz júrgen 25 sheteldik anyqtalǵan bolatyn.
