Atyraýda zańsyz jumys istep júrgen Ózbekstannyń 26 azamaty ustaldy
ATYRAÝ. QazAqparat - Atyraýda qubyr tazalap, zańsyz jumys istep júrgen Ózbekstan azamattary ustaldy, dep habarlaıdy QazAqparat tilshisi.
«Densaýlyqqa zııan keltiretin aımaqta eńbek etip júrgen jumysshylardyń arnaıy ruqsat qaǵazy bolmaǵan. Sonymen qatar, qubyr tazalaý jumysyna tartylǵan kórshiles eldiń azamattarynyń oblys aýmaǵynda júrip-turý zańnamasyn buzǵany da anyqtaldy», - dep habarlady Atyraý oblysy polıtsııa departamentiniń baspasóz qyzmetinen.
Ózbekstannyń 26 azamatyna qatysty 38 ákimshilik hattama toltyryldy. Al, jumysshylardy zańsyz jumysqa tartqan Atyraý qalasynyń turǵyny 140 AEK kóleminde aıyppul tóleıtin bolady.
