Atyraýda zańsyz oıynhana ashqan reseılik sottaldy
ATYRAÝ. QazAqparat - Atyraý soty zańsyz oıyn bıznesin uıymdastyrǵany úshin aıyptalǵan Reseı azamatyna qatysty úkim shyǵardy, dep habarlaıdy «QazAqparat» HAA tilshisi.
«Byltyr kúzde qalanyń ortasyndaǵy jasyryn oıynhananyń jumysy toqtatyldy. Sotqa deıingi tergeý barysynda zańsyz qumar oıyny bıznesin uıymdastyrǵan Reseı azamaty V. Gaıtanjı ekendigi anyqtaldy. №2 Atyraý qalalyq sotynyń úkimimen ol kináli dep tanylyp, shartty túrde 4 jylǵa sottaldy», - dep habarlady Atyraý oblystyq memlekettik kirister departamentiniń baspasóz qyzmetinde.
Budan buryn habarlanǵandaı, astyrtyn oıynhana jabylǵan sátte sol ǵımarattan 68 myń dollar, 18 mln teńge, 360 myń Reseı rýbli, sondaı-aq oıynǵa arnalǵan jabdyqtar men fıshkalar tárkilendi.
