Atyraýda zańsyz oıyn bıznesin uıymdastyrǵan eki turǵyn sottaldy
ATYRAÝ. QazAqparat - Atyraý qalasynyń eki turǵyny zańsyz oıyn bıznesin uıymdastyrǵany úshin sottaldy, dep habarlaıdy QazAqparat.
Qarjylyq monıtorıng agenttiginiń Atyraý oblysy boıynsha ekonomıkalyq tergeý departamentiniń qyzmetkerleri júrgizgen jedel-izdestirý sharasynyń nátıjesinde oblys ortalyǵynda ornalasqan «E-BK» JShS býkmekerlik keńsesi túrinde uıymdastyrylǵan zańsyz oıyn bıznesiniń joly kesildi.
Oıynhana ǵımaratyn tekserý barysynda 17 protsessor, 16 monıtor, 32 teledıdar, chekterdi basyp shyǵarýǵa arnalǵan 14 termoprınter jáne jalpy somasy 1,2 mln. teńgeden astam aqsha qarajaty tárkilendi.
Atyraý qalalyq №2 sotynyń úkimimen eki qala turǵyny QR QK 28-baby 5-tarmaǵy, 307-baby, 2-tarmaǵy, 3-baby boıynsha qarastyrylǵan qylmysty jasaǵany úshin kináli dep tanylyp, árqaısy 4 jyl merzimge shartty túrde bas bostandyǵynan aıyryldy.
Tárkilenip alynǵan zattaı dáleldemeler memleket kirisine aınaldyryldy.
