Atyraýda zańsyz muǵalim bolyp júrgen nıgerııalyq jaýapkershilikke tartyldy
ATYRAÝ. QazAqparat - Atyraýda Nıgerııanyń azamaty kóshi-qon salasyndaǵy zańnamayń talaptaryn buzǵan, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
«Inder aýdanynda jeke oqytý ortalyǵynda aǵylshyn tilin úıretý úshin shaqyrtylǵan Nıgerııa azamaty QR kóshi-qon salasyndaǵy zańnamasynyń talaptaryn saqtamaǵany anyqtaldy. Qazaqstan aýmaǵynda bolý vızasy aıaqtalǵanyna qaramastan jáne eńbek etýge ruqsat qaǵazy bolmasa da pedagogtik qyzmetpen aınalysyp júrgen oǵan kóshi-qon polıtsııasy QR ÁQBtK 517-babynyń 4 jáne 5-bólimderi boıynsha xattama toltyryldy, is sotqa joldandy», - delingen habarlamada.
Sheteldiktiń zańbuzýshylyǵy 18-20 naýryz aralyǵynda oblys kóleminde ótip jatqan «Quqyqtyq tártip» sharasy kezinde anyqtalǵan.
