Atyraýda zańsyz qarý saqtaǵan qylmystyq top ustaldy
Oblystyq polıtsııa basqarmasynyń baspasóz qyzmetinen málim etkendeı, qylmystyq top «Quqyqtyq tártip» jedel-profılaktıkalyq is-sharasy kezinde ustalǵan.
«Departament qyzmetkerleri Atyraý qalasynyń aýmaǵynda túrli atys qarýyn zańsyz saqtaýmen, tasymaldaýmen aınalysqan 9 adamdy anyqtap, ustady. Olar – Atyraý qalasynyń turǵyndary. Jasy – 23-27-niń araylyǵynda. Tekserý kezinde kúdiktiden serııa nómiri óshirilgen tapansha, al 25 jastaǵy taǵy bir kúdiktiden travmatıkalyq tapansha tárkilendi. Sondaı-aq, Q.Sátpaev kóshesinde ornalasqan úılerdiń birindegi qoımadan 3 dana atys qarýy men 2 dana sholaq myltyq pen oq-dáriler tárkilendi. Bir qarýdyń Almaty qalasyndaǵy páterden uranǵany anyqtaldy. Tárkilengen qarýlarǵa saraptama taǵaıyndaldy», -dep habarlady departamenttiń baspasóz qyzmeti.
Kúdiktilerdiń ekeýi buryn qarýmen jasalǵan buzaqylyq deregimen isti bolǵany anyqtaldy. Qazir ustalǵandarǵa qatysty QR Qylmystyq kodeksiniń 287-babynyń 1-bóligimen sotqa deıingi tergeý bastaldy.
Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, buǵan deıin Atyraýda Jaıyq ózeniniń jaǵasynan qarý men oq-dáriler tabylǵanyn jazǵan edik.