Atyraýda zańsyz hattama toltyrǵan polıtseılerge qatysty qylmystyq is qozǵaldy
Atyraý qalalyq prokýratýrasy taratqan aqparatqa qaraǵanda, polıtsııa qyzmetkerleri tarapynan ákimshilik quqyq buzýshylyqtar týraly toltyrylǵan hattamalardyń
zańdylyǵyna taldaý júrgizilgen.
«Tekserý nátıjesimen azamattardy zańsyz ákimshilik jaýaptylyqqa tartý derekteri anyqtaldy. Atap aıtqanda, azamattar qoǵamdyq oryndardy, saıabaqtardy lastaý, onyń
ishinde belgilenbegen jerlerge kommýnaldyq qaldyqtardy laqtyrý, sondaı-aq, úı janýarlaryn ustaý jáne serýendetý erejeleriniń buzylýyna kináli dep aıyptalǵan.
Alaıda, «quqyq buzýshylar» ózderiniń jaǵymsyz tártibi týraly múldem kúdiktenbegen.
Polıtsııa basqarmasynyń qyzmetkerleri azamattardyń syrttynan ákimshilik hattamalardy toltyryp, jaza retinde eskertý nemese aıyppul túrindegi jazalardy qoldanǵan. Bul derekke baılanysty polıtsııa qyzmetkerlerine qatysty QR Qylmystyq kodekstiń 416-babynyń 2-bóligimen (Ákimshilik quqyq buzýshylyq týraly ister boıynsha dáleldemelerdi burmalaý) qylmystyq is qozǵalyp, tergep-tekserý úshin Atyraý oblystyq polıtsııa
departamentiniń Ózindik qaýipsizdik basqarmasyna joldandy», - deıdi Atyraý qalalyq prokýratýrasy qoǵamdyq múddelerdi qorǵaý bóliminiń bastyǵy Erlan Kakıev.
Eske sala ketelik, budan buryn Atyraý perzenthanalarynda qyzmetter baǵasy negizsiz ósirilgenin habarlaǵan bolatynbyz.