Atyraýda zańsyz balyq aýlaǵan brakonerler 5,4 mln teńge aıyppul tóleıdi

ATYRAÝ. QazAqparat – Atyraýda brakonerlerden alynǵan 2 myńnan astam torly aýdyń kózi joıyldy, dep habarlaıdy QazAqparat.

«Jaıyq-Kaspıı» oblysaralyq basseındik balyq sharýashylyǵy ınspektsııasynyń resmı ókili Oleg Týshkanovtyń aıtýynsha, brakonerlik torly aýdy Damby balyq aýlaý bóliminiń qyzmetkerleri tárkilegen.

«Bul bólim bıylǵy 9 aıda balyq qorǵaý zańnamasyn buzýdyń 665 deregin anyqtady. Quqyq buzýshylarǵa 5,4 mln teńge aıyppul salyndy. Zańsyz aınalymnan 65 tonnadan astam balyq, tor, ilmek túrindegi 2 604 aýlaý quraly tárkilendi. Brakonerlerden 118 júzý quraly men mototsıkl alyndy», -deıdi Oleg Týshkanov.

Inspektsııa qyzmetkerleri brakonerlerden tárkilengen torly aýlardy «Arnaıyavtobaza» JShS qatty turmystyq qaldyqtar polıgonyna jetkizip, órte di.

Eske sala ketelik, budan buryn Atyraýda sý aıdyndarynan 5 myń torly aý shyǵarylǵanyn jazǵan bolatynbyz.