Atyraýda zańsyz aınalymnan 4 myńnan astam psıhotroptyq dári alyndy
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń
aıtýynsha, 29 qarasha - 3 jeltoqsan aralyǵynda «Dármek» profılaktıkalyq is-sharasy
ótti.
«Atalǵan is-shara kezinde Atyraý qalasynda turatyn 1 700 dana tramadol, 85 dana trapıkamed dári-dármekterin zańsyz satyp júrgen 47 jastaǵy áıel ustaldy. Qazir ol QR Ákimshilik quqyqbuzýshylyq týraly kodeksiniń 426-babymen ákimshilik jaýapkershilikke tartyldy. Polıtsııa qyzmetkerleri zańsyz aınalymnan 4 myńnan astam tramadol, 200-den asa tropıkamed dári-dármekterin tárkiledi. Sondaı-aq, esirtki satýdyń 5 deregi anyqtaldy. Medıtsına salasynyń 1, seriktestiktiń 1 qyzmetkeri esirtki, psıhotroptyq zattar, prekýrsorlar aınalysyna baılanysty nysandar men úı-jaılardyń tehnıkalyq nyǵaıtylý talaptaryn buzǵany belgili boldy. Farmatseptıkalyq qyzmettiń jáne dárilik zattardyń, medıtsınalyq maqsattaǵy buıymdar men medıtsınalyq tehnıkanyń
qaǵıdalaryn buzýǵa qatysty 5 derek tirkeldi. Osyndaı zań buzýshylyqqa jol bergender
ákimshilik jaýapkershilikke tartyldy», - deıdi Qamza Úmbetqalıev.
Eske sala ketelik, buǵan deıin Atyraýda tramadol satyp júrgen áıel ustalǵanyn
jazǵan edik.
