Atyraýda zańsyz aýlanǵan 200 kelige jýyq balyq tárkilendi
Bul týraly QR Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet áleýmettik jelide jazdy.
«2018 jyldyń 28 tamyzynda Atyraý oblystyq orman sharýashylyǵy jáne janýarlar dúnıesi ınspektsııasynyń jáne sý polıtsııasynyń qyzmetkerleri Damba eldimekeni mańynda Jaıyq ózeninde «Merkýrıı-40» motory bar «Kazanka 5M4» qaıyǵyn ustady. Onda Damba aýylynyń 1982 jáne 1977 jyly týǵan eki turǵyny bolǵan. Júzý quralyn tekserý barysynda qapshyqqa salynǵan 181 keli kókserke men aqmarqa tabyldy», - delingen resmı habarlamada.
Atalǵan faktini Sotqa deıingi tergeýlerdiń biryńǵaı tizilimine engizý úshin jáne Qylmystyq Kodekstiń 335-baby (Brakonerlik) boıynsha tergeýaldy amaldaryn júrgizý úshin barlyq materıaldar men zattaı aıǵaqtar quqyq qorǵaý organdaryna jiberildi.