Atyraýda zańsyz aqbalyq aýlaǵandar toby ustaldy
ATYRAÝ. QazAqparat - Atyraýda zańsyz aqbalyq aýlaǵandar toby ustaldy, dep habarlaıdy «QazAqparat» HAA tilshisi.
«Atyraý oblystyq orman sharýashylyǵy jáne janýarlar álemi aýmaqtyq ınspektsııasynyń tabıǵat resýrstaryn qorǵaý bólimi qyzmetkerleriniń Konteınernyı aýdanynda júrgizgen balyq qorǵaý sharalary barysynda Moskvıch «IJ-kombı» markaly avtokóligi ustaldy.
OQO Túrkistan qalasynyń 1990 jylǵy turǵyny tizgindegen mashınanyń júk salǵyshynan jalpy salmaǵy 363 kg quraıtyn sırek kezdesetin - aqbalyq tabyldy. Ózbekstan Respýblıkasynyń azamatynda balyq aýlaýǵa ruqsat beretin qujattar joq bolyp shyqty. Balyq resýrstarynyń shyǵyny 617 000 teńgeni qurady», - dedi Atyraý oblystyq orman sharýashylyǵy jáne janýarlar álemi aýmaqtyq ınspektsııasynyń resmı ókili Oleg Týshkanov.
O.Týshkanov «QazAqparat» HAA tilshisine balyqtyń tárkilengendigin jáne «Nadejda» JShS-ine ótkizilip, kóliktiń kúzet turaǵyna jiberilgendigin málim etti.
Jınalǵan materıaldar QR QK 196 baby boıynsha qylmystyq is qozǵaý máselesin sheshý maqsatynda quqyq qorǵaý organdaryna jiberildi.
