Atyraýda «Zańdylyq» atty jańa júıe tanystyryldy
ATYRAÝ. QazAqparat - Atyraýda sot qorǵaýyna qoljetimdilikti edáýir jeńildetetin jáne biryńǵaı sot praktıkasyn qalyptastyratyn «Zańdylyq» júıesi tanystyryldy, dep habarlady «QazAqparat» HAA tilshisi.
«Jobanyń maqsaty - Sotaldy tergeý jáne sot organdarynyń aqparattyq-taldaý júıesiniń biryńǵaı tizilimin ıntegratsııalaý esebinen qylmystyq úderistiń sapasyn arttyrý. ıAǵnı barlyq qylmystyq úderisti avtomattandyrý josparlanýda. Bul qandaı da bir zań buzýshylyqty anyqtaýdyń ýaqtylyǵyn, ashyqtyǵyn, obektıvtiligine yqpal etedi. Bastysy, júıe azamattardyń quqyqtaryn qorǵaýǵa baǵyttalǵan. Baǵdarlamaǵa qylmystyq jáne qylmystyq-protsessýaldyq kodeksterdiń barlyq normalary júkteldi», - dep habarlady QR Bas prokýrorynyń orynbasary Marat Ahmetjanov.
«Zańdylyq» júıesin ázirleýshilerdiń habarlaýynsha, atalmysh júıe aıyppul kólemin, jasóspirimderge jaza taǵaıyndaý kezinde jas ereksheligin nemese jazany durys taǵaıyndaý tártibin aıqyndaı alady. Bul úderisti jedeldetip qana qoımaı, sot óndirisiniń kóptegen kezeńderinde adam faktoryn alyp tastaýǵa múmkindik beredi. Atyraý oblysynda jobany jyl sońyna deıin engizbek.
