Atyraýda zań buzǵan sheteldikterden 5 mln teńge aıyppul óndirildi
ATYRAÝ. QazAqparat –Atyraýda sheteldikterden 5 mln teńge aıyppul óndirildi, dep habarlaıdy QazAqparat.
Oblystyq polıtsııa departamentiniń qyzmetkerleri reıdtik is-sharalar kezinde Qazaqstan Respýblıkasynyń zańnamasyn buzǵany úshin 2000-ǵa jýyq sheteldik azamatty ákimshilik jaýapkershilikke tartqan.
«Kóshi-qon zańnamasyn buzǵany úshin 1986 sheteldik ákimshilik jaýapkershilikke tartylyp, 184-i elden shyǵaryldy. Shetel azamattaryna qatysty 49 qylmys tirkelip, 43 sheteldik tarapynan qylmys jasalǵany anyqtaldy. Onyń kópshiligi Ózbekstan Respýblıkasynyń azamattary tarapynan oryn alǵan» - deıdi oblystyq polıtsııa departamentiniń bastyǵy Qamza Úmbetqalıev.
Onyń aıtýynsha, jyl basynan beri Atyraý oblysyna qonys aýdarǵan sheteldikter sany
ótken jylmen salystyrǵanda 77%-ǵa azaıǵan. Jalpy túrli ákimshilik quqyq buzǵan
sheteldikterden 5 mln teńge óndirilgen. Sondaı-aq, ákimshilik jaýapkershilikke
qazaqstandyq 10 jumys berýshi tartylǵan.
Atyraýlyq polıtseıler sheteldikterge patentter berý, ıaǵnı, jeke tulǵalarǵa jumys
isteýge ruqsat berý arqyly zańdastyrý boıynsha jumystardy belsendi júrgizilýde. Jyl basynan polıtsııa qyzmetkerleri tek Atyraý qalasynda 50 myń sheteldikke jeke
tulǵalarda eńbek qyzmetin júzege asyrýǵa arnalǵan patentter rásimdegen. Olardyń
basym bóligi – Ózbekstan eliniń azamattary.
Eske sala ketelik, budan buryn Atyraýda quqyq buzǵan 50 sheteldik elden shyǵarylǵan bolatyn.
