Atyraýda zábir kórgen 10 áıel men 23 bala daǵdarys ortalyǵyna ornalasqan
Oblystyq polıtsııa departamenti baspasóz qyzmetiniń málimetinshe, olar turmystyq zorlyq-zombylyqtan zábir kórgen.
«Jedel basqarý ortalyǵyna jyl basynan beri 2 345 habarlama tústi. Soǵan baılanysty QR Ákimshilik quqyqbuzýshylyq týraly kodeksiniń 73-babymen 600 adam ákimshilik jaýapkershilikke tartyldy. Al, 805 adam qorǵaý nusqamasy shyǵaryldy. Qorǵaý nusqamasynyń talabyn 52 adamǵa qatysty 461-babyna sáıkes ákimshilik hattama toltyryldy. Jınaqtalǵan qujattar Atyraý qalasynyń ákimshilik quqyq buzýshylyqtar jónindegi mamandandyrylǵan sotyna joldandy», -dep habarlady polıtsııa departamentiniń baspasóz qyzmeti.
Sot atalǵan sanatqa jatatyn buzýshylyq jasaǵan úshin jaýapkershilikke tartylǵan 189 adamǵa minez-qulqyna baılanysty erekshe talaptar belgiledi.
«Keıbir otbasylarda áıelder men balalarǵa zorlyq-zombylyq kórsetý deregi tirkelip otyr. Jyl basynan beri turmystyq zorlyq-zombylyqtan zábir kórgen 10 áıel men 23 tirkeldi. Olar daǵdarys ortalyǵyna ornalastyryldy», -dep málim etti departamenttiń baspasóz qyzmetinen.
Eske sala ketelik, buǵan deıin Atyraýda bir aptada ǵana 20 adam kólik júrgizý quqyǵynan aıyrylǵanyn jazǵan edik.
